Cupkeyk (cupkeyk) wrote,
Cupkeyk
cupkeyk

Habang Wala Ako

Nagseselos ako para sa iyo
tuwing makikipagtalik ako sa iba.
Iniisip ko ang daloy
ng iyong haraya sa aking katawan,
kambal poot at sabik--
kailan ang pagkakataon mo?
Minamarahil mong napapipikit ako
ng ibang kamay at labi
ngunit mukha mo ang makikita
sa tabing ng talukap ng aking mata.
Aasahan mong mali ka't
hindi dagat ang aking libog
na kay raming ibayo,
kungdi daangbakal ng tren,
agapay na riles, taga sa bato,
at matigil man sa kungsaang himpilan,
mga saglit lamang
ng unti-unting pauwi sa iyo.
Tags: filipino, mine, poerry
  • Post a new comment

    Error

    default userpic

    Your reply will be screened

    Your IP address will be recorded 

  • 0 comments