Cupkeyk (cupkeyk) wrote,
Cupkeyk
cupkeyk

Kita kanita

Habang nagkakape, naupo sa tabi ko ang pusa;
at pinagningas ng sinag-araw sa anggulo ng umaga
ang mga lingid na ugat sa mga litid ng kaniyang tainga.
Nakamasid ang pusa sa labas ng bintana
saan may sinulid ng sapot ang naghahalinhinang
pilak at puti, o mawawala, sa bawat munting kibo
ng ni di maramang hangin.
Mahal, kayraming di makita ng mata--
kung gapi ng sandali ang likas na maysabulag
sa pagkakalingid, silid o lihim; paano pa ang layo,
na kay dali-daling bagtasin, isang hakbang
sa harap ng naunang paa?
Mahal kong pumaibayo, nais kitang makita.
Tags: filipino, mine, poetry
  • Post a new comment

    Error

    default userpic

    Your reply will be screened

    Your IP address will be recorded 

  • 0 comments