Cupkeyk (cupkeyk) wrote,
Cupkeyk
cupkeyk

Daang Usa

Babalaan muli kami ni Roger sa daang-usa,
na tila bulaklak na ligaw na kung saan-saan
na lamang datnang bukadkad.
Huwag kayo diyan. May halimuyak
ang anyaya ng di tuklas,
kaya't paglagpas ay lilingon.
Saan kaya patungo ang daang
magsasara sa likod ng humahakbang
na tila pagtahak sa mga sandaling
ang minsa'y hindi na magiging muli?
Pero lumipas na ang pagkakataong malaman.
Nakalayo na ako sa bukana ng daang-usa,
pero sa pagkakasanga-sanga ng walang hangga,
may ibang akong nawala roon,
at ikinamatay niya ang mangha.
Tags: filipino, mine, poetry
  • Post a new comment

    Error

    default userpic

    Your reply will be screened

    Your IP address will be recorded 

  • 0 comments